Ar gyfer pwy mae hyn?

Rydym am sicrhau bod Dangos yn cyrraedd yr amrywiaeth ehangaf posibl o weithwyr rheng flaen yng Nghymru. Mae hynny’n golygu pobl sydd mewn cysylltiad, fel rhan o’u gwaith arferol, ag unrhyw un y gall fod angen cymorth arno. Does dim gwahaniaeth a ydych yn weithiwr cyflogedig neu’n wirfoddolwr; os ydych yn gweld pobl sy’n byw heb bethau, gall Dangos eich helpu chi i’w helpu.

Mae ein rhestr o bobl a sefydliadau yn helaeth a does dim amheuaeth y bydd yn cynyddu yn ystod cyfnod y prosiect. Mae’n cynnwys y canlynol:

• Staff tai/digartrefedd
• Gweithwyr cymorth
• Staff/myfyrwyr gwasanaethau cymdeithasol
• Gwirfoddolwyr yn y trydydd sector
• Grwpiau teuluoedd/plant
• Ymwelwyr iechyd
• Cofrestryddion
• Gweithwyr iechyd meddwl cymunedol
• Pobl sy’n gweithio mewn canolfannau teuluoedd, fforymau gofalwyr, grwpiau cymorth, grwpiau ffoaduriaid
• Staff llyfrgelloedd
• Staff meddygfeydd
• Gweithwyr banciau bwyd
• … a llawer o rai eraill

Byddwn yn ceisio cysylltu â chynifer o’r bobl hyn a’u sefydliadau â phosibl ond ceisiwch ledaenu’r neges mor eang â phosibl.